തിരുഹൃദയ വണക്കമാസ ജപവും പ്രാർത്ഥനയും: ഒൻപതാം ദിനം
ജപം
കരകാണാത്ത കരുണാസമുദ്രമായ ഈശോമിശിഹായുടെ ദിവ്യഹൃദയമേ, അങ്ങയെ ഞാന് ആരാധിക്കുന്നു. മനുഷ്യരുടെ നേരെ അങ്ങേയ്ക്കുള്ള സ്നേഹം അനന്തമെന്നും, എല്ലാ ജനങ്ങളുടെമേലും അങ്ങയുടെ അനുഗ്രഹമഴ അനുസ്യൂതം വര്ഷിച്ചു കൊണ്ടിരിക്കുന്നു എന്നും അറിയുന്നതിനാല് ഏറ്റം ദുഃഖം നിറഞ്ഞ എന്റെ ഹൃദയം ആത്മീയ സന്തോഷത്താല് തെളിഞ്ഞ്, എന്നെയും എനിക്കുള്ള സകലരേയും വസ്തുക്കളേയും സമ്പൂര്ണ്ണമായി അങ്ങേയ്ക്ക് കാഴ്ച സമര്പ്പിക്കുന്നു. സ്നേഹനാഥാ, എന്റെ ഈ വിനീതബലി കാരുണ്യപൂര്വ്വം സ്വീകരിക്കേണമേ.
പ്രാർത്ഥന
കര്ത്താവേ, അങ്ങയുടെ മണവാട്ടിയായ കത്തോലിക്കാ തിരുസ്സഭയ്ക്കു പൂര്ണ്ണസ്വാതന്ത്ര്യം കൊടുത്തരുളേണമേ. ഞങ്ങളുടെ പിതാവായ പരിശുദ്ധ പാപ്പായെ സംരക്ഷിക്കണമേ. എല്ലാവരും അങ്ങയുടെ ഏക സത്യസഭയെ അറിഞ്ഞ് ഏക ഇടയന്റെ കീഴാകുന്നതിന് വേഗത്തില് ഇടവരുത്തണമേ! നിര്ഭാഗ്യ പാപികളുടെമേല് കരുണയായിരിക്കണമേ. അനുഗ്രഹത്തിന്റെ അമ്മയായ പരിശുദ്ധ മറിയമേ, ദിവ്യഹൃദയത്തിന് നാഥേ, ഞങ്ങൾ അപേക്ഷിക്കുന്നതും ആഗ്രഹിക്കുന്നതുമായ സകല വരങ്ങളും അങ്ങയുടെ ശക്തമായ മദ്ധ്യസ്ഥതയില് ശരണപ്പെട്ട് അങ്ങു വഴിയായി ലഭിക്കുമെന്ന് പൂര്ണ്ണമായി ഉറച്ചിരിക്കുന്നു. ആമ്മേന്.
സുകൃത ജപം
ശാന്തശീലനും വിനീത ഹൃദയനുമായ ഈശോ തമ്പുരാനേ, എൻ്റെ ഹൃദയം അങ്ങേക്കു പ്രീതികരമായി ആക്കണമേ!
