തിരുഹൃദയ വണക്കമാസ ജപവും പ്രാർത്ഥനയും: പന്ത്രണ്ടാം ദിവസം
ജപം
രാജാധിരാജനും എല്ലാ സൃഷ്ടികളുടെയും പ്രഭുവുമായ ഈശോമിശിഹായേ, അങ്ങയെ ഞാന് ആരാധിക്കുന്നു. സന്തോഷപൂര്ണ്ണവും സുഖസമൃദ്ധവുമായ സ്വര്ഗ്ഗത്തില് നിന്നും അങ്ങിറങ്ങി ഞങ്ങളുടെ ഇടയില് മനുഷ്യനായി പിറക്കുകയും, അവര്ണ്ണനീയമായ അപമാനവും ക്ലേശപൂരിതമായ കുരിശുമരണവും ഞങ്ങളോടുള്ള സ്നേഹത്തെപ്രതി അങ്ങു സഹിക്കയുണ്ടായല്ലോ. സ്നേഹം നിറഞ്ഞ ഈശോനാഥാ, അഗാധമായ അങ്ങയുടെ എളിമയുടെ മുമ്പില് അഹങ്കാര പ്രമത്തനായി ഞാനിതാ നില്ക്കുന്നു. അങ്ങയുടെ ദിവ്യഹൃദയത്തില് നിന്നും പുറപ്പെടുന്ന എളിമയുടെ പ്രകാശക്കതിരുകള് എന്റെ ഹൃദയത്തിലും തട്ടുവാന് അനുഗ്രഹം ചെയ്യണമേ.
പ്രാർത്ഥന
കര്ത്താവേ, അങ്ങയുടെ മണവാട്ടിയായ കത്തോലിക്കാ തിരുസ്സഭയ്ക്കു പൂര്ണ്ണസ്വാതന്ത്ര്യം കൊടുത്തരുളേണമേ. ഞങ്ങളുടെ പിതാവായ പരിശുദ്ധ പാപ്പായെ സംരക്ഷിക്കണമേ. എല്ലാവരും അങ്ങയുടെ ഏക സത്യസഭയെ അറിഞ്ഞ് ഏക ഇടയന്റെ കീഴാകുന്നതിന് വേഗത്തില് ഇടവരുത്തണമേ! നിര്ഭാഗ്യ പാപികളുടെമേല് കരുണയായിരിക്കണമേ. അനുഗ്രഹത്തിന്റെ അമ്മയായ പരിശുദ്ധ മറിയമേ, ദിവ്യഹൃദയത്തിന് നാഥേ, ഞങ്ങൾ അപേക്ഷിക്കുന്നതും ആഗ്രഹിക്കുന്നതുമായ സകല വരങ്ങളും അങ്ങയുടെ ശക്തമായ മദ്ധ്യസ്ഥതയില് ശരണപ്പെട്ട് അങ്ങു വഴിയായി ലഭിക്കുമെന്ന് പൂര്ണ്ണമായി ഉറച്ചിരിക്കുന്നു. ആമ്മേന്.
സുകൃത ജപം
