ബഹു: മാത്യു നായ്ക്കംപറമ്പിൽ അച്ഛന്റെ പ്രവചനം നിവർത്തിയായ അനുഭവ സാക്ഷ്യം

"പ്രവാചകനെ പ്രവാചകനായി സ്വീകരിക്കുന്നവന് പ്രവാചകന്റെ പ്രതിഫലവും, നീതിമാനെ നീതിമാനായ സ്വീകരിക്കുന്നവന് നീതിമാന്റെ പ്രതിഫലവും ലഭിക്കുന്നു!" (വിശു. മത്തായി 10:41). എന്നാൽ ദുഷിച്ചതും വഴിപിഴച്ചതുമായ ഈ തലമുറയിലെ ചിലർ  പ്രവാചകനെയും നീതിമാനെയും അവഹേളിച്ചു ആത്മ സംതൃപ്തി നേടുന്നു. ഒപ്പം ശാപവും ദൈവ കോപവും!  

പോട്ട - മുരിങ്ങൂർ ഡിവൈൻ ധ്യാന കേന്ദ്രങ്ങളുടെ സ്ഥാപകനായ  ബഹു മാത്യു നായ്ക്കംപറമ്പിൽ അച്ഛൻ ആരാണെന്നു സ്വർഗ്ഗത്തിനും ഭൂമിയിലെ ദൈവ മക്കൾക്കും നന്നായി അറിയാം. തന്റെ ജീവിതകാലം  മുഴുവൻ ദൈവ ശ്രുശൂഷയിൽ വ്യാപൃതനായ അദ്ദേഹം നേടിയ ആത്മാക്കൾക്കും രോഗ ശാന്തിയും ഇതര സൗഖ്യങ്ങളും വഴി സന്തോഷവും സമാധാനവും നൽകിയ മനുഷ്യർക്കും കണക്കില്ല.  

എന്നാൽ ദൈവത്തെ പ്രസാദിപ്പിച്ചു ജീവിക്കുന്ന ശ്രേഷ്ടരായ പുരോഹിതരെയും സമർപ്പിതരെയും ധ്യാന ഗുരുക്കന്മാരെയും കാണുമ്പോൾ കലിയിളകിയ സാത്താനും അവന്റെ കിങ്കിരന്മാരും ഇങ്ങനെയുള്ള മഹിമയടഞ്ഞവരെ ഇകഴ്ത്തിയും പരിഹസിച്ചും താൽക്കാലിക ആനന്ദം കണ്ടെത്തുന്നു. 

അടുത്തയിടെയിൽ ബഹു മാത്യു നായ്ക്കംപറമ്പിൽ അച്ഛനെ നിന്ദിച്ചു രസിക്കുന്ന നികൃഷ്ടന്മാരായ ആളുകളുടെ അറിവില്ലായ്‌മയെ ഓർത്തു ഖേദിക്കുന്നു. അവർക്കു വേഗം സുബോധവും വിടുതലും ലഭിക്കുവാൻ പ്രാർത്ഥിക്കുന്നു. 

കേരളത്തിലെ പ്രശസ്തരായ വചന പ്രഘോഷകരിൽ ഒരാളായ ബ്ര: സണ്ണി കാട്ടൂക്കാരൻ മൂന്ന് പതിറ്റാണ്ടുകൾക്ക് മുൻപ് ബഹു മാത്യു അച്ഛനെ കാണാനിടയായ സംഭവവും, അച്ഛൻ നൽകിയ പ്രവചനവും  തുടർന്നുണ്ടായ  മാറ്റങ്ങളും സണ്ണി സഹോദരൻ തന്നെ അനുഭവ സാക്ഷ്യമായി പറയുന്നത് കേൾക്കുക.