നമ്മുടെ കർത്താവീശോമിശിഹാ തന്റെ തിരുഹൃദയ ഭക്തർക്ക് വിശിഷ്ടമായ അനേക അനുഗ്രഹങ്ങൾ വാഗ്ദാനം ചെയ്തിട്ടുണ്ട്. അവിടുത്തെ കൂടാതെ നമുക്ക് ഒന്നും ചെയ്യാൻ സാദ്ധ്യമല്ല എന്ന്‍ അവിടുന്ന് വ്യക്തമായി പ്രസ്താവിച്ചിട്ടുള്ളതുകൊണ്ടു, കർത്താവിന്റെ അനുഗ്രഹങ്ങള്‍ കൂടാത് ഈ ലോകത്തിൽ പുണ്യപ്പെട്ട ഒരു ജീവിതം നയിച്ച് സ്വർഗത്തിൽ എത്തിച്ചേരാൻ ഒരു ക്രിസ്ത്യാനിക്ക് സാധ്യമല്ല. ഈശോമിശിഹാ അവിടുത്തെ വത്സലദാസിയായ വിശുദ്ധ മര്‍ഗ്ഗരീത്താ മേരി ആലക്കോക്കിനു പ്രത്യക്ഷപ്പെട്ട് നല്‍കിയ പന്ത്രണ്ട് ശ്രേഷ്ഠമായ വാഗ്ദാനങ്ങള്‍ ആണ് ഇവിടെ കൊടുത്തിരിക്കുന്നത്. ഈ വാഗ്ദാനങ്ങളിൽ വിശ്വസിച്ചു ഇപ്പോൾ മുതൽ എങ്കിലും കർത്താവിന്റെ തിരുഹൃദയത്തിനെ വേണ്ടവിധം സ്നേഹിച്ചു, ആരാധിച്ചു, ശരണപ്പെട്ടു ജീവിക്കാൻ നമ്മുക്ക് ശ്രമിക്കാം!
ഈശോ മിശിഹാ തന്റെ തിരുഹൃദയ ഭക്തർക്ക് നൽകിയിരിക്കുന്ന 12 വാഗ്ദാനങ്ങള്‍:
1. എന്റെ തിരുഹൃദയ ഭക്തരുടെ ജീവിതാന്തസ്സിനു ആവശ്യമായ എല്ലാ അനുഗ്രഹങ്ങളും ഞാന്‍ പ്രദാനം ചെയ്യും.
2. അവരുടെ കുടുംബങ്ങളില്‍ ഞാന്‍ എന്റെ സമാധാനം നല്‍കും.
3. അവരുടെ സങ്കട വേളകളിൽ ഞാന്‍ അവരെ ആശ്വസിപ്പിക്കും.
4. ജീവിതകാലത്തിലും പ്രത്യേകിച്ച് അവരുടെ മരണ സമയത്തിലും ഞാന്‍ അവര്‍ക്കു ഉറപ്പുള്ള സങ്കേതമായിരിക്കും.
5. അവരുടെ എല്ലാ പ്രയത്നങ്ങളിലും ഞാന്‍ സമൃദ്ധമായി അനുഗ്രഹങ്ങൾ വർഷിക്കും.
6. പാപികള്‍ എന്റെ ഹൃദയത്തില്‍ അനുഗ്രഹത്തിന്‍റെ വറ്റാത്ത ഉറവയും സമുദ്രവും കണ്ടെത്തും.
7. മന്ദതയുള്ള ആത്മാക്കള്‍ എന്റെ ദിവ്യഹൃദയത്തോടുള്ള ഭക്തിയാൽ തീക്ഷ്ണതയുള്ളവരാകും.
8. തീക്ഷ്ണതയുള്ള ആത്മാക്കള്‍ അതിവേഗത്തില്‍ പരിപൂര്‍ണ്ണതയുടെ പദവിയില്‍ കയറും.
9. എന്റെ ദിവ്യഹൃദയസ്വരൂപം പരസ്യമായി പ്രതിഷ്ഠിച്ചു വണങ്ങുന്ന എല്ലാ ഭവനങ്ങളിലും എന്റെ ആശീർവാദം
ഉണ്ടായിരിക്കും.
ഉണ്ടായിരിക്കും.
10. കഠിന പാപികളെ മനസ്സു തിരിക്കുന്നതിനുള്ള വരം തിരുഹൃദയ ഭക്തരായ വൈദികര്‍ക്ക് ഞാന്‍ നല്‍കും.
11. എന്റെ ദിവ്യഹൃദയ ഭക്തി പ്രചരിപ്പിക്കുന്നവരുടെ നാമം എന്റെ ഹൃദയത്തില്‍ ഞാന്‍ എഴുതും. അതില്‍നിന്നും അവരുടെ നാമം ഒരിക്കലും മായിക്കുയില്ല.
12. ഒമ്പതു ആദ്യവെള്ളിയാഴ്ച തുടര്‍ച്ചയായി ദിവ്യബലിയിൽ പങ്കെടുത്തു, വിശുദ്ധ കുര്‍ബാന സ്വീകരിക്കുന്നവര്‍ക്ക് അവസാനം വരെയുള്ള നിലനില്‍പ്പിന്‍റെ വരം ഞാന്‍ നല്‍കും. എന്റെ അനുഗ്രഹം കൂടാതെയോ, കൂദാശകള്‍ സ്വീകരിക്കാതെയോ അവർ മരിക്കുകയില്ല. അവരുടെ മരണത്തിന്‍റെ അവസാനത്തെ മണിക്കൂറില്‍ എന്റെ ദിവ്യഹൃദയം അവര്‍ക്കു നിശ്ചയമുള്ള സങ്കേതമാകുമെന്ന് എന്റെ സ്നേഹാധിക്യത്താല്‍ നിന്നോട് ഞാൻ വാഗ്ദാനം ചെയ്യുന്നു.
ഈശോമിശിഹായുടെ ഈ അമൂല്യ വാഗ്ദാനങ്ങളെ വിശ്വസിക്കുകയും തിരുഹൃദയഭക്തി പാലിക്കുകയും ചെയ്യുന്നവരുടെ ഹൃദയങ്ങളില്‍ ദൈവസ്നേഹവും പരസ്നേഹവും കത്തിജ്ജ്വലിക്കും. അതിനാല്‍ ഇപ്പോൾമുതലെങ്കിലും ഈശോയുടെ ദിവ്യഹൃദയത്തില്‍ ശരണപ്പെട്ടു ജീവിക്കാൻ ശ്രമിക്കാം. അപ്പോള്‍ കർത്താവായ ഈശോയുടെ ഈ വാഗ്ദാനങ്ങളുടെ ഫലം നമുക്കു ലഭിക്കുമെന്നുള്ളതില്‍ സംശയമില്ല.
No comments:
Post a Comment
You are Welcome to add your Comments, Opinions, Doubts, Queries and Prayers below. God Bless...!