സമയം അടുത്തിരിക്കുന്നു. കർത്താവായ യേശുവിന്റെ രണ്ടാം വരവിന് ഒരുക്കമായി മാതാവ് നമുക്ക് നല്കിയ സന്ദേശങ്ങൾ മുകളിൽ കൊടുത്തിരിക്കുന്ന വിഡിയോയിൽ കേൾക്കുക.
കർത്താവായ യേശു ക്രിസ്തുവിന്റെ രണ്ടാം വരവിനുള്ള സമയം വളരെ അടുത്തിരിക്കുന്നതായി പരിശുദ്ധ ദൈവ മാതാവ് നൽകിയ നിരവധിയായ സന്ദേശങ്ങൾ വഴി വ്യക്തമാക്കുന്നു. നാം ജീവിച്ചുകൊണ്ടിരിക്കുന്ന ഈ കാലത്തിന്റെ അടയാളങ്ങളും നമുക്ക് അതേ മുന്നറിയിപ്പ് തന്നെ നൽകുന്നു. ആരൊക്കെ അംഗീകരിച്ചാലും ഇല്ലെങ്കിലും വിശ്വസിച്ചാലും ഇല്ലെങ്കിലും കർത്താവായ ഈശോ പരിശുദ്ധ സത്യ വേദ പുസ്തകത്തിലൂടെ പ്രതിപാദിച്ചിട്ടുള്ള എല്ലാ വസ്തുതകളും വള്ളി പുള്ളി തെറ്റാതെ സംഭവിക്കുകതന്നെ ചെയ്യും!
കർത്താവിന്റെ രണ്ടാം വരവിനേപ്പറ്റി പറയുമ്പോളെല്ലാം അതിനെ തള്ളിക്കളയുന്ന വലിയ ഒരു വിഭാഗം ജനങ്ങൾ ഉണ്ട്. പരിശുദ്ധ കത്തോലിക്കാ സഭയിലും അനേകർ (വൈദീകരും സന്യസ്തരും ഉൾപ്പെടെ) ഇനിയും സമയമുണ്ട്, പേടിക്കേണ്ട എന്ന് പഠിപ്പിച്ചുകൊണ്ടു അനേകരെ വഴിതെറ്റിക്കുന്നതാണ് ഏറെ വിഷമകരമായ വസ്തുത. കാലത്തിന്റെ അടയാളങ്ങൾ ശരിയാം വണ്ണം ഗ്രഹിച്ചീടുവാൻ നമ്മുക്ക് ദൈവത്തിന്റെ കൃപ ആവശ്യമാണ്! ദൈവത്തിന്റെ കൃപ ഉള്ളവർക്ക് മാത്രമേ എല്ലാം വ്യക്തമായി കാണുവാനും കേൾക്കുവാനും ഗ്രഹിക്കുവാനും സാധ്യമാകൂ!
ദൈവ കൃപ സമൃദ്ധമായി ലഭിക്കുവാൻ ഉള്ള ഒരു എളുപ്പവഴിയാണ് കർത്താവു നമ്മൾക്ക് നേരിട്ട് തന്ന നിധിയായ പരിശുദ്ധ അമ്മയോട് ഒരു സ്നേഹ ഉടമ്പടി ചെയ്തു, ജപമാല പ്രാർത്ഥന മുടങ്ങാതെ ചെല്ലുന്നത്. അനേകം വിശുദ്ധരും വന്ദകരും വേദസാക്ഷികളും ഇത് സാക്ഷ്യപ്പെടുത്തിയിട്ടുണ്ട്. ഘോര പാപിയായ ഈ എളിയവനും ഇത് അനേകം പ്രാവിശ്യം സന്തോഷത്തോടെ സാക്ഷ്യപ്പെടുത്തിയിട്ടുണ്ട്!
ഈ ചെറിയ സന്ദേശം വായിക്കുന്ന സഹോദരാ സഹോദരീ ഞാൻ നിങ്ങളോടു വളരെ വിനയപൂർവം അപേക്ഷിക്കുകയാണ്. ദയവായി നിങ്ങൾ ആരുതന്നെയായാലും ഏതു മതത്തിലോ വിഭാഗത്തിലോ വിശ്വാസത്തിലോ പെട്ട ആളായാലും ശരി, യേശു കർത്താവിന്റെ അമ്മയായ പരിശുദ്ധ കന്യാ മാതാവിനെ ബഹുമാനിക്കുകയും സ്നേഹിക്കുകയും ചെയ്യുക. ജപമാല പ്രാർത്ഥന ഭക്തിയോടെ മുടങ്ങാത് ചൊല്ലുക. നിങ്ങളും നിങ്ങളുടെ കുടുംബാംഗങ്ങളും തീർച്ചയായും സുരക്ഷിതരായിരിക്കും. പരിശുദ്ധ അമ്മ നിങ്ങളെ നിച്ചയമായും കർത്താവിന്റെ സന്നിധിയിൽ എത്തിക്കും!
No comments:
Post a Comment
You are Welcome to add your Comments, Opinions, Doubts, Queries and Prayers below. God Bless...!