ഇരുപത്തൊന്നാമതു ചങ്ങനാശ്ശേരി അതിരൂപത ബൈബിൾ കൺവെൻഷൻ 2021 ഫെബ്രുവരി 17 മുതൽ 20 വരെ പാറേൽ മാതാവിന്റെ പള്ളിയിൽ വെച്ചു നടത്തപ്പെടാൻ തീരുമാനിച്ചിരിക്കുന്നു. സംസ്ഥാനത്തു നിലവിലുള്ള കോവിഡ് മാനദണ്ഡങ്ങൾ പാലിച്ചായിരിക്കും കൺവെൻഷനും ഇതര ശ്രുശൂഷകളും നടത്തപ്പെടുക.
17- നു വൈകിട്ട് 6.45 - നു അഭിവന്യ ആർച്ച്ബിഷപ് മാർ ജോസഫ് പെരുന്തോട്ടം മെത്രാപോലിത്ത കൺവെൻഷൻ ഉൽഘാടനം ചെയ്യും. ഓരോ ദിവസവും വചന പ്രഘോഷത്തിൽ പ്രഗല്ഫന്മാരായ ഓരോ അഭിവന്യ മെത്രാൻമാർ ദൈവ വചനം പങ്കുവെക്കും.
17- നു മാവേലിക്കര ബിഷപ്പ് അഭിവന്യ ജോഷ്വ മാർ ഇഗ്നാത്തിയോസ് 'ക്രൈസ്തവ കുടുംബം - ദൈവ വചനത്തിലും കൂദാശകളിലും പണിയപ്പെടുന്ന സൗധം' എന്ന വിഷയത്തിൽ പ്രസംഗിക്കും.
18- നു തലശ്ശേരി രൂപത സഹായ മെത്രാൻ അഭിവന്യ മാർ ജോസഫ് പാംപ്ലാനി 'നിങ്ങളിൽ വസിക്കുന്നത് ഇരുളിനെ കീഴടക്കാൻ പറ്റുന്ന വചനം' എന്ന വിഷയത്തിൽ സംസാരിക്കും.
19- നു ചങ്ങനാശ്ശേരി അതിരൂപത സഹായ മെത്രാൻ അഭിവന്യ മാർ തോമസ് തറയിൽ' ശക്തിയുടെയും സ്നേഹത്തിന്റെയും ആത്മാവിനാൽ നിറഞ്ഞ സമൂഹം' എന്ന വിഷയത്തെ ആസ്പദമാക്കി പ്രഭാഷണം നടത്തും.
